खैरहनी नगरपालिकाको संक्षिप्त परिचय

खैरहनी नगरपालिका प्रदेश नं. ३ अन्तर्गत नारायणी अंचल चितवन जिल्लाको सदरमुकाम भरतपुरबाट करिब २२ कि.मि. पूर्वमा अवस्थित छ | नेपाल सरकारको  २०७१/०१/२५ को निर्णयानुसार चैनपुर, कुमरोज र खैरहनी गरी ३ वटा गाउँ विकास समिति समावेश भई खैरहनी नगरपालिका बनेको थियो र पछि २०७२/०६/०१ को निर्णय पछि कठार गाऊँ विकास समिति समेत यस नगरपालिकामा समावेश भई साविकका ४ गाऊँ विकास समितिहरुको संयुक्त रूप मिलेर खैरहनी नगरपालिका बनेको छ, यस नगरपालिकामा  १३ वटा वडाहरु छन् र जम्मा ८५.५७ वर्ग कि.मि. क्षेत्रफ़ल रहेको छ | समुन्द्री सतह देखि १९० मि. उचाईमा रहेको यस नगरपालिकामा कुल जनसंख्या ५६,०९४ रहेको छ  |